Կառավարությունը դեմ է ՃՏՊ իրավախախտումների տուգանքները կրճատելու մասին օրենքի փոփոխությանը

Կառավարության վաղվա օրակարգում ներառված է  «Վարչական  իրավախախ­տում­ների վերաբերյալ Հայաստանի Հանրապետության օրենսգրքում փոփոխություններ կատարելու մասին»  օրենքի  նախագծի վերա­բեր­յալ  կա­ռավարության եզ­րա­կացության նախագծի մասին հարցը:

Ներկայացվում է կառավարության եզրակացությունը ԱԺ պատգամավորներ Էդմոն Մարուքյանի, Նաիրա Զոհրաբյանի, Վահան Բաբայանի ու Թևան Պողոսյանի` օրենս­­դրական նախա­ձեռնության կար­գով ներկա­յաց­րած «Վարչական իրավախախ­տում­նե­րի վե­րա­բերյալ Հայաստանի Հանրապետության օրենսգրքում փոփոխություններ կատարելու մա­սին» Հա­­յաս­­տանի Հանրա­պե­տու­թյան օրենքի նախագծի վերա­­բեր­­յալ:

Նախագծին կից ներկայացված հիմնավորման համաձայն` ներկայացված նախագծով առա­ջարկվող փոփոխությունները հիմնականում կրկնակի չափով կրճատում են գործող Վար­չա­կան իրավախախտումների վերաբերյալ Հա­­յաս­­տանի Հանրա­պե­տու­թյան օրենսգրքում տեղ գտած` առավել հաճախ հանդիպող և նվազ հասարակական վտանգավորություն ունեցող ճա­նա­պարհատրանսպորտային իրավախախտումների համար նախա­տես­ված տուգանքները: Այդ կապակցությամբ անհրաժեշտ է նկատի ունենալ ՀՀ վարչապետի 2014 թ. որոշմամբ ճանապարհային երթևե­կության կանոնների հաճախակի խախտումների համար նախատեսված տուգանքների չա­փե­րի վերանայման նպատակով ստեղծված աշխատանքային խմբի կողմից իրա­կա­նաց­ված աշ­խա­տանքների արդյունքում ներկայացված նախագծով փոփոխվող հոդվածները:

Աշ­խա­­տան­քա­յին խմբի կողմի հիշյալ փոփոխությունները նախապատ­րաս­տելիս ուսում­նասիր­վել է միջ­ազ­գային փորձը, հաշվի են առնվել նաև վիճակագրական տվյալ­ները, սահմանվել են հստակ չափանիշներ, որոնց առ­կա­յությունը հնարավորություն է տվել առավել մանրամասն կար­­գա­վորելու տվյալ բնագավառի իրա­վա­հա­րաբերությունները, մինչդեռ` ներկայացված նա­խագծի հիմնավորման մեջ բացակայում են վիճա­կա­գրական տվյալ­ները, համապատասխան վեր­լուծությունները և այլն: Այդ առումով նախագծում պատ­շաճ հիմնավորված չէ տու­գանք­ների չափերի նվազեցման անհրաժեշտությունը:

Ելնելով շարադրվածից`  կառա­վա­րու­թյունը  դեմ է ներկայացված նախագծի ընդունմանը և օրենս­դրա­կան նախաձեռնության հեղինակներին առաջարկում է ներկա փուլում ձեռնպահ մնալ օրենս­­դրա­կան նախաձեռնության քննար­կումից: