Հրանտ Թոխատյանը, Միքայել Պողոսյանը, Սոս Ջանիբեկյանը` «Մի երկրաշարժի պատմություն» ֆիլմում

Հեռուստա- և կինոպրոդյուսեր Ռուբեն Դիշդիշյանն արդեն ավարտել է «Մի երկրաշարժի պատմություն» ֆիլմի հայ դերասանների ընտրությունը: Դիշդիշյանը ֆեյսբուքյան իր էջում գրում է. «Հայաստանում ոչ միայն ճամփորդում ենք, այլ նաև աշխատում: Արդեն ավարտվել է «Մի երկրաշարժի պատմություն» ֆիլմի հայ դերասանների ընտրությունը: Նկարահանումները` շուտով»:

Դիշդիշյանը նաև լուսանկար է հրապարակել, որից պարզ է դառնում, որ ֆիլմում կնկարահանվեն Վիկտոր Ստեփանյանը, Հրանտ Թոխատյանը, Միքայել Պողոսյանը, Տաթև Հովակիմյանը, Սոս Ջանիբեկյանը:

Ի դեպ, ֆիլմի սցենարը գրել են Սերգեյ Յուդակովը և Ալեքսեյ Գրավիցկին` Արսեն Դանիելյանի հետ համահեղինակությամբ: Ֆիլմի գլխավոր դերակատարը Կոնստանտին Լավրոնենկոն է: