Գյուղացիները բացել են ճանապարհը. վարչապետը բանակցում է մթերող գործարանների հետ

Այսօր Արարատի մարզի բնակիչները կրկին փակել էին Երեւան-Արարատ մայրուղին: Չնայած գյուղատնտեսության նախարարի հավաստիացումներին` գյուղացիները շարունակում են պնդել, որ չեն կարողանում մթերել իրենց խաղողը:

Քիչ առաջ տեղեկացանք, որ դեպքի վայր է մեկնել վարչապետ Հովիկ Աբրահամյանը: Նրան հաջողվել է համոզել գյուղացիներին` բացել ճանապարհը: Այս պահին վարչապետը, ըստ մեր տեղեկությունների, շրջում է մարզում, բանակցում մթերող ընկերությունների հետ, որպեսզի ընդունեն գյուղացիների բերքը: Զրուցում է նաեւ գյուղապետերի հետ՝ հասկանալու, թե որ գյուղում  մթերելու որքան խաղող կա: Գյուղացիների մի մասին արդեն մի քանի մթերող գործարաններ են ուղարկել: