Կառավարությունն արդարացի լուծում է կայացրել. «ՓՄՁ ասոցիացիա» ՀԿ-ի նախագահ

«ՓՄՁ համագործակցության ասոցիացիա» ՀԿ-ի նախագահ Հակոբ Ավագյանը Yerkir.am-ի հետ զրույցում նշեց, որ արդարացի լուծում է համարում այն որոշումը, համաձայն որի` կառավարությունը կսուբսիդավորի ամսական 250 կիլովատտ ծախսող ՓՄՁ-ների էլեկտրաէներգիայի` թանկացված սակագնով ծախսը:

«Ընդհանուր առմամբ` կառավարությունը ժամանակ է ձգում: Մենք ունենք էլեկտրաէներգիայի չթանկանալու խնդիր, սա պարզապես ժամանակավոր լուծում է: Ժամանակավոր լուծման տեսանկյունից` արդարացի է այն»,- ասաց Ավագյանը:

Դիտարկմանը, որ էլեկտրաէներգիան կառավարության կողմից կսուբսիդավորվի մինչեւ խորհրդատվական մարմնի աշխատանքների ավարտը, ոչ թե` մինչև ՀԷՑ-ում աուդիտի ավարտը, նա պատասխանեց, որ այդ կապակցությամբ դեռ ոչինչ ասել չի կարող:

Նշենք, որ 6 շաբաթից պարզ կդառնա` էլեկտրաէներգիայի սակագնի բարձրացումն արդարացված է, թե` ոչ: