Հիմնվել է Հայաստանի պատանի փրկարարների ասոցիացիա

ՀՀ ԱԻ նախարարության աջակցությամբ երեկ Երևանի Գյուլբենկյանի անվան թիվ 190 ավագ դպրոցում Հայաստանում 1-ին անգամ անցկացվեց պատանի հրշեջ-փրկարարների մրցաշար։ 

Վերջնական արդյունքներով 3-րդ մրցանակային տեղը գրավեց 9-րդ դասարանցիների հավաքական «ՍՕՍ» թիմը, 2-րդ տեղում էր 10-րդ դասարանցիների «ՀՀ թիվ 1 ջոկատը», իսկ 1-ին պատվավոր հորիզոնականում` 11-րդ դասարանցիների «Ժառանգներ» թիմը։ Մասնակիցները պարգևատրվեցին դպրոցի տնօրինության և ՀՀ ԱԻՆ դիպլոմներով:

Մրցաշարից հետո կայացած հիմնադիր ժողովում որոշում է կայացվել ստեղծել Հայաստանի պատանի փրկարարների ասոցիացիա։ Երեխաների առաջարկությամբ` միաձայն ասոցիացիայի պատվավոր նախագահ է ընտրվել ՀՀ ԱԻ նախարար Ա. Երիցյանը։