Ռուբեն Հայրապետյանը ՀՀԿ խմբակցության պատգամավորին չի հետաքրքրում

ՀՀԿ խմբակցության պատգամավոր Խոսրով Հարությունյանը yerkir.am-ի հետ զրույցում հայտարարեց, որ ինքը տեղյակ չէ ՀՖՖ-ի նախագահ Ռուբեն Հայրապետյանի և «Էյր Արմենիա» ընկերության սեփականատեր Արսեն Ավետիսյանի միջև տեղի ունեցած միջադեպից: Հիշեցնենք, որ Հայրապետյանի թիկնապահները ծեծել էին գործարարին, բայց երեկ վերջինս հայտարարեց, որ ամեն դեպքում հաշտվում է Հայրապետյանի հետ:

ՀՀԿ խմբակցության պատգամավորը նշեց, որ երկու օր առաջ է վերադարձել Հայաստան և անտեղյակ է այդ իրադարձություններից, ապա հավելեց. «Մամուլում էլ կարդում եմ այն, ինչն ինձ պետք է: Ինձ հետաքրքրում է Սահմանադրությունը, կառավարության գործունեությունը, ինձ հետաքրքրում է արտաքին հարաբերությունների ոլորտում գործունեությունը»,- ասաց Հարությունյանը: Մեր այն դիտարկմանը, թե Ռուբեն Հայրապետյանն իրեն չի՞ հետաքրքրում, Հարությունյանը պատասխանեց. «Ոչ, ընդհանրապես չի հետաքրքրում: Ես միջանձնային հարաբերություններով չեմ հետաքրքրվում»: