Սիրո խոստովանություն` Երևանին. Արա Երնջակյանը նոր ներկայացում է բեմադրում

Ռեժիսոր, դրամատուրգ, ՀՀ արվեստի վաստակավոր գործիչ Արա Երնջակյանը նոր ներկայացում է բեմադրում Երևանի մասին:

Yerkir.am-ի հետ զրույցում Երնջակյանը նշեց, որ ներկայացումը կլինի մի քիչ թախծոտ, մի քիչ ժպիտով: «Դժվար է հիմա ժանրն ասել: Այն կլինի սիրո խոստովանություն` Երևանին»,- ասաց նա:

Երնջակյանը դերակատարների մասին չխոսեց` ասելով, որ դա դեռ գաղտնիք է: Նաև նշեց, որ ներկայացումը հետագայում ֆիլմի կվերածի:

Դիտարկմանը, թե կարծես ավանդույթ է դարձել ներկայացումները ֆիլմի վերածելը,պատասխանեց` այո, քանի որ հետաքրքիր է նույն բանն այլ տեսանկյունից դիտել: «Թատրոնն իր հնարավորություններն ու առավելություններն ունի, կինոն` իր. կինոյում շատ ավելի ազատ ես, իսկ թատրոնում հանդիսատեսի հետ կապն անմիջական է, ինչպես նաև ամեն օր կարող ես ավելի գեղեցկացնել ներկայացումդ, փոփոխությունների ենթարկել այն: Մեկը մյուսին լրացնում է»,- ասաց Երնջակյանը:

Այնուամենայնիվ, ռեժիսորը խոստովանում է, որ թատրոնում իրեն ավելի ազատ է զգում, որովհետև նախ` սկսել է թատրոնից, թատրոնում ռեժիսորն ավելի ինքնուրույն է, իսկ կինոյում կախված է շատ մարդկանցից: