Մեկ շաբաթ ժամանակ` էներգետիկ համակարգի փլուզման առնչությամբ քրեական գործ հարուցելու համար. Դավիթ Սանասարյանի նոր պահանջը

Ազատության հրապարակում հանրահավաքի ժամանակ ելույթ ունեցավ նաեւ նախաձեռնող խմբի անդամ, հացադուլ հայտարարած Դավիթ Սանասարյանը  

«Եթե չսթափվենք դուրս չգանք փողոց, առաջիկա տարիներին ժողովրի վիճակը կմնա նույնը: Արտագաղթը կմեծանա: Եթե դուրս չգանք փողոց, չմիաբանվենք, պահանջելով 21-րդ դարին վայել կյանք, ուստի կոչ եմ անում միաբանվել»:

Սանասարյանն անդրադարձավ նաեւ Սերժ Սարգսյանի ելույթին:

«Կա՞  մեկը, որ հավատում է աուդիտին ու դրա եզրակացությանը: Վստահ չե՞ք, որ քաղաքացիներին ծուղակի մեջ են գցում: Արդյոք Սերժ Սարգսյանը իր ելույթով չի ՞ կանխորոշում աուդիտի արդյունքները: Սպառողները պատրաստվում են առանց կասկածի վճարե ՞լ բարձրացված սակագնով:

Սերժ Սարգսյանը հայտարարեց, որ էներգետիկ համակարգը փլուզման վտանգի տակ է: ՀԷՑ-ի աուդիտն այն գործիքը չէ, որ բացահայտի էներգետիկ համակարգի փլուզման պատճառները: Ես առաջրկում եմ մեր պահանջներին ավելացնել եւս մեկը` հարուցել քրեական գործ էներգետիկ համակարգի փլուզման առնչությամբ: Պարզել` որ քայլերի արդյունքում են էներեգետիկ համակարգը հասցրել փլուզման եզրին, ինչու Սերժ Սարգսյանի ելույթին չհետեւեցին դատախազության գործողությունները: Եթե մեր պահանջը չկատարվեց, պահանջելու ենք հրաժարականներ եւ ողջ պատասխանատվությունը դնելու ենք Սերժ Սարգսյանի վրա:

Մենք մեկ շաբաթ ժամանակ ենք տալիս, մինչեւ ուրբաթ օրը»,- հայտարարեց Սանասարյանը: