Կարծում եմ` Բաղրամյանը շուտով կբացվի, շարժումը կմարի ինքնըստինքյան

Երգիչ, երգահան Լիլիթ Պիպոյանի կարծիքով` Բաղրամյան պողոտան շուտով կբացվի, քանի որ շարժումը մարելու միտում ունի: Այսօր լրագրողների հետ զրույցում նա կարծիք հայտնեց, որ այն կմարի ինքնըստինքյան, քանի որ հստակ պահանջներ արդեն չեն հնչում:

«Ծայրահեղ հոռետեսությամբ էին լցված երիտասարդները, և 95 տոկոսն ուզում էր հեռանալ երկրից, իսկ հիմա լավ է, որ գտան պատճառ և առիթ` փողոց դուրս գալու և բողոքելու: 7 օրվա պայքարի արդյունքում մենք ընդամենը խոստում ստացանք, բայց ոչինչ, միևնույն է, այս ամենից հետո ինչ հարց էլ ծագի, մենք ոտքի են կանգնելու, և ավելի բուռն է լինելու շարժումը»,- ասաց Պիպոյանը` հավելելով, թե ելքն, այնուամենայնիվ, չգիտի` ինչ է լինելու: