Ուզում եք ՀԷՑ-ը սնանկանա՞. էներգետիկայի փոխնախարար

Այսօր էներգետկայի փոխնախարար Արեգ Գալստյանը, պատասխանելով Yerkir.am-ի հարցին` իր կարծիքով` էլեկտրաէներգիան տեղ ունի՞ չթանկանալու, պատասխանեց. «Կարծում եմ` ոչ: Որովհետև կան պարտավորություններ և օբյեկտիվ երևույթներ, որոնք իրենց արտացոլումը պետք է տեսնեն: Տեսեք՝ ես սուբյեկտիվ երևույթների մասին չեմ խոսում: Իսկ օբյեկտիվ գործոններից են ատոմակայանի 80 օր չաշխատելը, սակավաջուր տարի լինելը: Այդ թերմատակարարումը լրացվել է ավելի թանկ էլեկտրաէներգիայով»:

Փոխնախարարը միաժամանակ նշեց, որ այս տարին սակավաջուր չի լինելու:

Հարցրեցինք` դա նշանակո՞ւմ է, որ էլեկտրաէներգիայի գինը պետք է նվազի, փոխնախարարը պատասխանեց. «Բայց դեֆիցիտները, որ առաջացել են, կորուստները, որ ունեցել է ցանցը, դրանք պե՞տք է հետ վերադարձվեն ՀԷՑ-ին: Ուզում եք` ինքը սնանկանա՞»: