Գորիսի ծեծկռտուքի գործով հարցաքննվել է Սուրիկ Խաչատրյանը

Yerkir.am-ի տեղեկություններով՝ մայիսի 2-ին Գորիսի Սդղի գյոլում տեղի ունեցած ծեծկռտուքի գործով նախորդ շաբաթ հարցաքննվել է Սյունիքի մարզպետ Սուրիկ Խաչատրյանը:

Մեր տեղեկություններով՝ նրան հարցաքննել են նրա փաստաբանի՝ Մարտին Զիլֆուղարյանի ներկայությամբ:

Հարցաքննության վերաբերյալ փորձեցինք զրուցել Զիլֆուղարյանի հետ, սակայն նրա օգնականը մեզ տեղեկացրեց, որ փաստաբանը հանրապետությունում չէ: Ավելի վաղ հայտնել էինք, որ գործի շրջանակներում ծանուցումներ են ուղարկվել տարբեր անձանց, այդ թվում` Սուրիկ Խաչատրյանին և նրա որդու՝ Տիգրան Խաչատրյանի մի քանի ընկերների:

Հիշեցնենք, որ ավելի վաղ խուզարկություն էր իրականացվել մարզպետին պատկանող` Գորիսի Սդղի լիճ 1 հասցեում գտնվող ամառանոցային համալիրում, որտեղ, ըստ մեր տեղեկությունների, դեպքից հետո Խաչատրյանը «զրուցել» էր ծեծված եղբայրներից Մուշեղ Զաքարյանի հետ: