Սուրիկ Խաչատրյանը` Գորիսի համալսարանի կառավարման խորհրդի նախագահ

Փետրվարի 20-ին Գորիսի պետական համալսարանում տեղի է ունեցել բուհի կառավարման խորհրդի նիստը:

Yerkir.am-ի հետ զրույցում ԿԳ փոխնախարար Մանուկ Մկրտչյանը հայտնեց, որ նիստի ժամանակ, ի թիվս այլ հարցերի, առաջ է քաշվել նաև բուհի կառավարման խորհրդի նոր նախագահի ընտրության հարցը: Միակ թեկնածուն եղել է ՀՀ Սյունիքի մարզպետ Սուրիկ Խաչատրյանը, ով էլ փակ, գաղտնի քվեարկության արդյունքում միաձայն ընտրվել է կառավարման խորհրդի նախագահ:

«Սուրիկ Խաչատրյանը միշտ էլ եղել է այդ համալսարանի խորհրդի անդամ: Միայն վերջին 1-2 տարիներին էր, որ ընդմիջում եղավ: Ի դեպ, բուհի կառավարման խորհրդի անդամների մեծ մասը ողջունեց նրա վերադարձը, քանի որ նա մեծ ներդրում ունի բուհի զարգացման գործում: Ի դեպ, Գորիսի համալսարանը ժամանակին Ճարտարագիտականի մասնաճյուղն էր և հենց Սուրիկ Խաչատրյանի միջոցով դարձավ առանձին համալսարան»,- ասաց Մկրտչյանը: