Շիրակի մարզի դատախազը չի փոխվել

Yerkir.am-ը դեռևս երկու շաբաթ առաջ հայտնել էր, որ, ՀՀ գլխավոր դատախազ Գևորգ Կոստանյանի հրամանով, պաշտոնանկ է արվել Կենտրոն և Նորք-Մարաշ վարչական շրջանների դատախազ Կարեն Բատիկյանը:

Այսօր ՀՀ գլխավոր դատախազության աշխատակազմի հանրային կապերի վարչությունից տեղեկացանք, որ Բատիկյանն աշխատանքի է անցել գլխավոր դատախազությունում` որպես ավագ դատախազ:

Հիշեցնենք, որ Բատիկյանը Կենտրոնի դատախազի պաշտոնը ստանձնել էր 2013-ի նոյեմբերին: Մինչ այդ նա զբաղեցնում էր Երևան քաղաքի դատախազի տեղակալի պաշտոնը:

Yerkir.am-ին դատախազությունից հայտնեցին նաև, որ Շիրակի մարզի դատախազ Րաֆֆի Ասլանյանը վերադարձել է արձակուրդից, սակայն նրա տեղափոխման հարցը դեռեւս չի քննարվել: Հիշեցնենք, որ, շրջանառվող տեղեկությունների համաձայն, Ասլանյանը հնարավոր է տեղափոխվի Կենտրոնի դատախազություն: