Կոստանյանի տարեկան զեկույցին սպասողներին հիասթափություն է սպասվում. «Հրապարակ»

«Հրապարակ» թերթը գրում է. «Հիասթափություն է սպասվում նրանց, ովքեր անհամբեր սպասում են պառլամենտում գլխավոր դատախազի տարեկան հաղորդմանը:

Բանն այն է, որ սա ԱԺ նախագահի լիազորությունների տիրույթում է. նա է որոշում, թե երբ պետք է դատախազը «հաղորդվի» պատգամավորների հետ, դիմակայի Զարուհի Փոստանջյանի «կտտանքներին», պատճառաբանի, թե ինչպես էին Հիմնադիր խորհրդարանի անդամները «պլասկագուպցիով եւ պոլի փետով» հեղափոխություն անում, «Ռուսաց թագավորին գրած» իր նամակն ինչու «լավ» չի կարողանում կարդալ «Նազու աղջիկը», եւ այլն:

Ընդ որում, չի բացառվում, որ զեկույցը «լսվի» աշնանը: «Ա մոժետ բիծ պոսլե զավտրա, երբ Գալուստ Գրիգորիչի սիրտը կամի»,- ասացին նրա «աղբյուրները»:

Առավել մանրամասն՝ թերթի այսօրվա համարում