Չանաքքալեի 100-ամյակի կապակցությամբ թուրքերը «1915» գրությամբ արծաթյա մատանիներ կբաժանեն

 Թուրքերը շարունակում են պատրաստվել Չանաքքալեի 100-ամյակին՝ փորձելով ետ չմնալ հայերից: Հայոց ցեղասպանության 100-ամյա տարելիցի կապակցությամբ բացված armeniangenocide100.org կայքի կյանքի կոչումից կարճ անց Թուրքիայում Չանաքքալեի 100-ամյակի կայք էին բացել, որը գրեթե ոչնչով չէր տարբերվում հայկական կայքից: Այս անգամ էլ, ակնհայտորեն, փորձելով կրկնօրինակել անմոռուկ խորհրդանիշը, պատրաստել են արծաթյա մատանիներ:

Ըստ AA-ի՝ Չանաքքալեի նահանգապետարանի կողմից պատրաստվել են  արծաթյա մատանիներ՝ «1915 Չանաքքալե» գրությամբ և պատերազմը խորհրդանշող ինչ-որ պատկերով, որոնք մտադիր են բաժանել Չանաքքալեի միջոցառումներին մասնակցող տեղացի և օտարերկրացի հյուրերին:

Ի դեպ, ըստ կայքի, մատանին պատրաստվել է մարտի 18-ի՝ զոհերի հիշատակի օրվա և Չանաքքալեի հաղթանակի 100-ամյակի կապակցությամբ: Փաստորեն, անուղղակիորեն ընդունում են, որ այդ պատմական իրադարձությունը տեղի է ունեցել  ոչ թե ապրիլի 24-ին, այլ մարտի 18-ին: