Իրան են ճնշում, ընձի՞ եք հարցնում. Մանվել Գրիգորյանը՝ Ծառուկյանի մասին

ՀՀԿ խմբակցության պատգամավոր Մանվել Գրիգորյանը, անդրադառնալով իր և ԲՀԿ-ական պատգամավոր Ռուբեն Գևորգյանի հեռահար բանավեճերին, լրագրողների հետ զրույցում նշեց, որ ինքը սիրո խոստովանություն չի լսել որևէ մեկից, որ լսի՝ կասի:

Հարցին, թե Գագիկ Ծառուկյանը կհեռանա՞ քաղաքականությունից, Գրիգորյանը պատասխանեց. «Ես հո Նաստրադամո՞ւսը չեմ, եկել ես ստից հարցեր ես տալիս»:

Իսկ հարցին, թե ինչո՞վ են պայմանավորված Գագիկ Ծառուկյանի հանդեպ ճնշումները, գեներալ պատգամավորն ասաց, որ տեղյակ չէ այդ ամենից. «Ինքը գիտի, իրեն հարցրեք, կասի, իրան են ճնշում, ընձի՞ եք հարցնում»:

Հարցին, թե ինչպե՞ս է վերաբերվում Սերժ Սարգսյանի այն հայտարարությանը, թե քաղաքականությամբ պետք է զբաղվեն միայն ինտելեկտուալները, Գրիգորյանը պատասխանեց. «Ինքը զբաղվում ա, նախագահը իսկապես զբաղվում ա քաղաքականությամբ»: