Քո արեւ, իմ արեւ, չգիտեմ. Մանվել Գրիգորյանը` Սերժ Սարգսյանի` կազինոյում խաղալու մասին

«Նման բան անելու համար, պարտադիր չի ադրբեջանցի լինել: Ինքը ինչ որ արել ա, արել ա իրա էրեխեքի դեմ»,- ԱԺ-ում Yerkir.am-ի հետ զրույցում անդրադառնալով Զարուհի Փոստանջյանի` ԵԽԽՎ-ում երեկ հնչեցրած հարցին` ասաց գեներալ Մանվել Գրիգորյանը:

Ըստ պատգամավորի` եթե Փոստանջյանը նախագահին բան ուներ ասելու, այստեղ թող ասեր, «աշխրահի առաջ չի կարելի ասել»: «Ոնց որ մարդու աղջիկը կամ թեկուզ բարեկամը մի քիչ որ թերություն ա ունենում, հելնում են փողոցում են գոռո՞ւմ: Բա մենք էդ մարդիկ ե՞նք, էդ ազգն ե՞նք: Չէր կարելի: Համենայն դեպս, նման բան չեն ասում հայ ժողովուրդին: Ես համարում եմ, որ դա հայ ժողովուրդին ա ասել, ոչ թե անհատական նախագահին»,- նշեց գեներալը:

Հարցին, թե, այդուհանդերձ, նախագահը կազինոյում խաղո՞ւմ է, գեներալ-պատգամավորը պատասխանեց. «Ես չգիտեմ, քո արեւ, իմ արեւ, կյանքիս մեջ, թե իմացել եմ, ամոթ ինձի: Ես ընդհանրապես կյանքիս մեջ թե կազինո չեմ մտել, ոչ էլ նման բան գիտեմ»: