Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Նիկոլը, Էրդողանն ու Ալիևը միասին տանգո են պարում, որի պատճառով ՀՀ-ն վիլայեթացվում է․ Շարմազանով
2 րոպե առաջ Քաղաքական
Այսուհետ Հայաստանը և Չինաստանը ավելի լայն գործառույթներ կիրականացնեն․ Մարիամ Մանուկյան
7 րոպե առաջ Հասարակություն
Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
3 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
4 ժամ առաջ Հասարակություն
Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
5 ժամ առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
5 ժամ առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
5 ժամ առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
5 ժամ առաջ Հասարակություն
Ժամկետ խախտած ԿԳՄՍ նախարարը պատասխանատվություն կրելո՞ւ է. «Հրապարակ»
5 ժամ առաջ Հասարակություն
Ինչ ունեցվածք և դրամական միջոցներ ունի Քննչական կոմիտեի ղեկավարի հավանական թեկնածուն. «Ժողովուրդ»
6 ժամ առաջ Հասարակություն

0 դիտում,

9 տարի առաջ - 2015-01-23 16:49

Իրավական

«Աղջի’, կտամ, գլուխդ կջարդեմ». միջադեպ` Վարդան Պետրոսյանի գործով նիստում

Քիչ առաջ Կոտայքի մարզի ընդհանուր իրավասության դատարանում ընթացող` Վարդան Պետրոսյանի գործով դատական նիստում պաշտպանական ճառով հանդես եկան դերասանի պաշտպանները, այդ թվում` ֆրանսիացի փաստաբան Մարի Լոռ Դոզեն:

Նա իր ճառում նշեց, որ մեկ տարի տևած` վթարի գործի դատաքննությունը ռեալիթի-շոու էր հիշեցնում:

«Ես չհասկացա, թե մեկ տարվա քննությունն ինչ նպատակի է ծառայել: Ես ամբողջ ընթացքում լսել եմ, հասկացել եմ, թե իմ գործընկերներն ինչպես են պաշտպանում Վարդանին: Բայց մեկ տարի հետո մենք նորից նույն կետում ենք: Այն ամենը, ինչ կատարվում է այստեղ, ամեն ինչ է, բացի արդարադատությունից »,- ասաց նա:

Փաստաբանը նշեց, որ այս ընթացքում ուսումնասիրել է հայաստանյան օրենսդրությունը. «Եվ ես սկսեցի ուսումնասիրել ձեր օրենքները: Բայց տեքստը ոչինչ է, կարեւորն այն է, թե ինչպես ես օգտագործում այդ օրենքը: Քանի դեռ արդարադատությունը ներկայացման նման մի բան է դառնում, այն իր նպատակին չի ծառայում»,- ասաց նա և հավելեց, որ արդարադատության նկատմամբ հավատի մի փոքր նշույլ պահպանվել է իր մոտ:

«Հարգելի’ դատարան, Վարդան Պետրոսյանին Ձեզ եմ հանձնում, ես Ձեզ եմ հանձնում այն բոլոր ձախողումներով, որն ունեցել է Հայաստանի արդարադատությունը տարիներ շարունակ, խնդրում եմ` չաղավաղեք այն հսկայական հնարավորությունը և իրավունքը, որ դուք ունեք արդարադատություն իրականացնելու համար»,- եզրափակելով խոսքը` ասաց ֆրանսիացի իրավաբանը:

Պաշտպանի ճառն ուղեկցվեց դահլիճում ներկաների ծափահարությամբ, ինչը տեղիք տվեց տուժողների իրավահաջորդների բարկությանը: Դատավոր Վաղինակ Մկրտչյանը խանգարելու համար սանկցիա կիրառեց և դուրս հրավիրեց տուժողի իրավահաջորդ Արթուր Հակոբյանին, սակայն նա հայտարարեց, որ դուրս կգա այն ժամանակ, երբ բոլորը դուրս գան:

Նման պահանջ ներկայացրեց նաև տուժողների իրավահաջորդների ներկայացուցիչ Ռուբեն Բալոյանը` նշելով, որ իրավահաջորդի պահվածքն ադեկվատ է:

«Երկու երեխուս գլուխը կերել ես, հիմա կանգնած` ծափ ե՞ք տալիս»,- հայտարարեց Արթուր Հակոբյանը:

Հակոբյանի կինն էլ` Նաիրա Հայրապետյանը, վիճաբանության մեջ մտավ նիստերի դահլիճում ներկաներից մեկի հետ, ինչին միջամտեց Ա. Հակոբյանը: «Աղջի', կտամ, գլուխդ կջարդեմ»,- դիմելով կնոջ հետ վիճաբանողին` ասաց նա, ապա, հայտարարելով, որ չեն ցանկանում մասնակցել դատավարությանը, լքեցին դահլիճը:

Այս պահին վերջին խոսքով է հանդես գալիս դերասան Վարդան Պետրոսյանը: