Գոնե Գյումրիում սուգ հայտարարեն. Սերգեյ Գալոյան

Եթե մեկ այլ երկրում նման դեպք պատահած լիներ, գոնե մի քանի ժամով սուգ կհայտարարեին. այսօր լրագրողների հետ հանդիպման ժամանակ կարծիք հայտնեց քրեական կենսագիր, գրող Սերգեյ Գալոյանը:

«Այո, ողջ Գյումրին է սգում այսօր: Շատերը, անգամ` նրանց չճանաչողները գնում, բակում կանգնում են:  Գոնե Գյումրիում սուգ հայտարարեն, բայց` ոչ, նրանք մեզ ուզում են սովորեցնել սպանություններին»,- ասաց նա:

Գալոյանը նաև նշեց, որ Գյումրիում հանրահավաք անցկացնելու իմաստը չի հասկանում:

Անդրադառնալով բուն դեպքին` նա ասաց, որ իր համար մինչև հիմա շատ հարցեր են բաց մնացել: «Ձմեռվա կեսին` առավոտ ժամը 6-ին, մարդը դուրս է գալիս զբոսանքի և ջուր է ուզում խմել, կտրում, այդքան ճանապարհ գալիս ու անկողնում մարդկանց սպանում է: Ախր, ո՞նց հավատամ այս վարկածին, ո՞նց հավատամ այս կեղծ պատմությանը»,- նշեց Գալոյանը և հավալեց. «Ինձ ստիպում են, որ կասկածեմ ամեն ինչին»: