Սահմանամերձ համայնքների շուրջ 2500 երեխաներ երկու օրով կայցելեն Երևան

2015-ին Հայաստանի սահմանամերձ համայնքների շուրջ 2500 երեխաներ երկու օրով կայցելեն Երևան` այցելելով թատրոններ, թանգարաններ, ինչպես նաև կմասնակցեն համերգների: Այս մասին լրագրողների հետ հանդիպման ժամանակ հայտնեց ՀՀ մշակույթի նախարար Հասմիկ Պողոսյանը:

Ըստ նախարարի` սահմանային համայնքների երեխաների համար առաջին անգամ գիտակրթական եւ ճանաչողական ծրագրեր կիրականացվեն:

«Ուզում ենք, որ երեխաները ճանաչեն մայրաքաղաքը, ընդլայնենք մշակութային համագործակցությունը սահմանամերձ համայնքների հետ»,- ասաց նա` հավելելով, որ ԿԳ նախարարության հետ օրենքով սահմանվելու են այն կրթական հաստատությունները, որոնք գեղարվեստական կրթություն կիրականացնեն: