Կառավարությունը կորոշի ԵՏՄ-ին տեղեկություն տրամադրող մարմիններին

Կառավարությունը դեկտեմբերի 25-ի նիստում հավանություն կտա որոշման նախագծին, համաձայն որի` Եվրասիական տնտեսական միության երրորդ երկրների նկատմամբ հատուկ պաշտպանական, հակագնագցման և փոխհատուցման միջոցների կիրառման հետաքննություն անցկացնող մարմնին (Եվրասիական տնտեսական հանձնաժողով) տեղեկատվություն տրամադրող` Հայաստանի Հանրապետության լիազոր մարմիններն են ՀՀ ֆինանսների նախարարությունը և ՀՀ էկոնոմիկայի նախարարությունը` յուրաքանչյուրն իր իրավասության շրջանակներում:

Որոշման նախագծում ասված է. «Եվրասիական տնտեսական հանձնաժողովին տեղեկատվություն տրամադրող Հայաստանի Հանրապետության լիազոր մարմիններ նշանակելու խնդիրը բխում է Եվրասիական տնտեսական միության պայմանագրային դաշտի պահանջներից` համապատասխան համաձայնագրի դրույթների ապահովման նպատակով»: