Սուդանի պաշտոնանկ եղած նախագահի ճակատագիրը կորոշի երկրի ընտրյալ կառավարությունը

Սուդանի պաշտոնանկ եղած նախագահ Օմար ալ Բաշիրի ճակատագիրը կորոշի երկրի ընտրյալ կառավարությունը: Այս մասին Եթովպիայում Սուդանի դեսպանատանը կայացած մամուլի ասուլիսում հայտարարել է երկիրը ժամանակավորապես ղեկավարող Ռազմական խորհրդի անդամ, գեներալ Ջալալեդդին Շեյխ ալ Թեյեբը. տեղեկացնում է Sky News -ը:

«Ալ Բաշիրին Միջազգային հանցագործությունների դատարանին հանձնելու մասին որոշումը կկայացնի ժողովրդի կողմից ընտրված կառավարությունը: Այս խնդիրը Ռազմական խորհրդին չի վերաբերում»,- ասել է գեներալը:

Նշենք, որ Միջազգային հանցագործությունների դատարանն Օմար ալ Բաշիրին մեղադրում է 1994 թվականին Դարֆուրում իրականացված պատերազմական եւ մարդկության դեմ հանցագործությունների մեջ: