Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
«Վերնիսաժ»-ի գործով վերջին դատական նիստը հետաձգվեց ամբաստանյալ Վալերի Հովհաննիսյանի` դատարանում ներկա չլինելու պատճառով: Իսկ առաջին դատական նիստում Վալերիի պաշտպան, փաստաբան Արայիկ Ալվանդյանը դատարանին հայտնել էր, որ իր պաշտպանյալը առողջական լուրջ խնդիր ունի, պատրաստվում է երկրորդ վիրահատությանը:
Yerkir.am-ի հետ զրույցում Արայիկ Ալվանդյանը հայտնեց, որ ներկայումս իր պաշտպանյալը գտնվում է «Նուբարաշեն» ՔԿՀ-ում, պարբերաբար վատանում է, շտապօգնություն են կանչում, և ուղղակի անհրաժեշտություն է նրան «Դատապարտյալների հիվանդանոց» տեղափոխելը:
Փաստաբանը նշեց նաև, որ դեռևս նոյեմբերի 7-ին է դիմել «Նուբարաշեն» ՔԿՀ-ի ղեկավարությանը Վալերիի հիվանդանոց տեղափոխման հարցով, սակայն դեռևս որևէ նորություն չկա, պատասխանում են, թե այդ ուղղությամբ աշխատում են: Ա. Ալվանդյանը, սակայն, չի մեղադրում ոչ ոքի` նշելով, թե սխալ է ասել` գործը քնեցնում են կամ ձգձգում, պարզապես գործ ունենք կալանավորի հետ, այլ ոչ ազատ քաղաքացու, որ երբ հարմար լինի, մեքենա կանչեն ու տեղափոխեն հիվանդանոց:
Հիշեցնենք, որ Վալերի Հովհաննիսյանին մեղադրանք է առաջադրվել հասարակական վայրում խուլիգանություն անելու և անձին թեթև մարմնական վնաս հասցնելու համար: