Բնակչության մոտ կասկածներ կան, որ գնաճը 10-15 տոկոս է. վարչապետ

Այսօր կառավարության հերթական նիստի օրն է:

ԿԲ նախագահի տեղակալ Ներսես Երիցյանը խուսափեց լրագրողների հարցերից, որոնք, բնականաբար, վերաբերում էին դրամի արժեզրկմանն ու գնաճին: Նա պատճառաբանեց, թե ուշանում է նիստից, այնինչ` նիստի սկսվելուն 25 րոպե դեռ կար: Կառավարության մոտ կանգնած կանանցից մեկը Ներսես Երիցյանի ետևից գոռաց. «Ինչո՞ւ արժեզրկեցիք դրամը»:

Կառավարության նիստից առաջ Հովիկ Աբրահամյանը նախ հայտարարեց, որ, տարադրամի շուկայում առկա լարվածության, դրամի արժեզրկման ու գնաճի հետ կապված, ձայնը տալիս է ԿԲ նախագահի տեղակալ Ներսես Երիցյանին, որպեսզի հասկանան, թե ի՞նչ քայլեր է փորձում ձեռնարկել ԿԲ-ն:

Ներսես Երիցյանի պարզաբանումից հետո վարչապետ Հովիկ Աբրահամյանը հանձնարարեց Տնտեսական մրցակցության հանձնաժողովի նախագահ Արտակ Շաբոյանին, որպեսզի նա կառավարությանը ներկայացնի ապրանքների գնաճի ցուցանիշները:

«Մեկ անգամ արդեն ներկայացրել եք, և գնաճը կազմում էր հինգ տոկոս, բայց ես գիտեմ, որ բնակչության մոտ կասկածներ կան, որ գնաճը ավելի շատ է և 10-15 տոկոս է կազմում: Որպեսզի փարատվեն այդ կասկածները, խնդրում եմ նախապատրաստեք ու ներկայացրեք ապրանքների գնաճի ցուցանիշները»,- ասաց Հովիկ Աբրահամյանը:

ԿԲ նախագահի տեղակալ Ներսես Երիցյանի պարզաբանումը` քիչ անց: