12-ամսյա գնաճը, նոյեմբերի դրությամբ, կազմել է 1.8 տոկոս

Հայաստանում գնաճը բավականին ցածր է մնում. 12-ամսյա գնաճը, նոյեմբերի դրությամբ, կազմել է 1.8 տոկոս: Այս մասին ասել է ՀՀ Կենտրոնական բանկի նախագահի տեղակալ Ներսես Երիցյանը դեկտեմբերի 14-ին կայացած «Ֆիչ Ռեյթինգս»-ի երևանյան համաժողովում:

«Վերջին ամսվա՝ նոյեմբերի դրությամբ 12-ամսյա գնաճը 1.8 տոկոս է կազմում: Մենք հարցումներ ենք իրականացնում հանրության և ֆինանսական ինստիտուտների շրջանակում: Եվ եթե տարվա սկզբին՝ մինչև 3-րդ եռամսյակը, կային գնաճի արագացման որոշակի սպասումներ, ապա այսօր այդ սպասումները քիչ են՝ գնաճի զարգացումներից ելնելով: Գնաճը գտնվում է մեր կանխատեսման շրջանակում, տարին կավարտենք մեր թիրախի շրջանակներում»,- նշել է Երիցյանը: