Իմ էներգիան այնքան շատ է, որ 15 հոգի հիմա տաքացնում եմ. Արմեն Աշոտյան

Եթե թեժ աշնան դեմ ոստիկանապետ Վլադիմիր Գասպարյանն ունի «սառը ցնցուղ» հասկացությունը, ապա ԿԳ նախարար Արմեն Աշոտյանն ավելի խորն է ուսումասիրել երևույթը: Այսօր լրագրողների հետ զրույցում նա նշեց. «Եռյակի էներգիան հազիվ հերիքում է նրա ընթացիկ գործունեության համար, ուր մնաց ինչ-որ բան թեժացնելու»:

Yerkir.am-ի հարցին` իսկ ինչի՞ն է հերիքում Հանրապետականի էներգիան, Արմեն Աշոտյանը, ցույց տալով իրեն շրջապատած լրագրողներին, պատասխանեց. «Իմ էներգիան այնքան շատ է, որ մենակով 15 հոգի հիմա տաքացնում եմ»:

Տղամարդ լրագրողներից մեկի դիտարկմանը, թե «նախարարը խոսում է որպես նորաթուխ երիտասա՞րդ», նա արձագանքեց. «Շնորհակալություն կոմպլիմենտի համար, բայց կցանկանայի, որ աղջիկ ինձ դա ասեր»: