ԱՄՆ-ն անհանգստացած է Վրաստանում նախարարների պաշտոնանկություններով

ԱՄՆ-ը մտահոգված է Վրաստանի կառավարությունում պաշտոնանկություններով և կողմերին կոչ է անում գործել՝ երկրի կայունության և ժողովրդավարության շահերից ելնելով: Այդ մասին ասված է ԱՄՆ պետդեպարտամենտի պաշտոնական ներկայացուցիչ Ջեն Փսակիի հաղորդագրությունում. հայտնում է РИА Новости-ն: 

Վաշինգտոնում անհանգստացած են Վրաստանի պաշտպանության նախարար Իրակլի Ալասանիայի, նրա տեղակալների, ինչպես  նաև Եվրաատլանտյան ինտեգրման հարցերով պետնախարար Ալեքսի Պետրիաշվիլիի, ԱԳՆ ղեկավար Մայա Պանջիկիձեի և նրա տեղակալների պաշտոնանկություններով:

«Մենք բարձր ենք գնահատում այս նախարարների արժանիքներն իրենց երկրի առաջ, ինչպես նաև՝ ԱՄՆ-ի հետ գործընկերության հարցում»,- ասված է հայտարարությունում: