ԱՄՆ-ն անհանգստացած է ՌԴ-ի հետ մերձենալու Թուրքիայի ցանկությամբ

ԱՄՆ-ն անհանգստացած է ՌԴ-ի հետ համագործակցությունը ամրապնդելու և ընդլայնելու Թուրքիայի ցանկությամբ։ Այս մասին հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Մեթյու Պալմերը։

«Կցանկանայի ընդգծել, որ ԱՄՆ-ն և Թուրքիան դաշնակիցներ են։ Այդ հարաբերությունները էականորեն տարբերվում են Թուրքիայի և ՌԴ-ի հետ հարաբերություններից։ Ակնհայտ է, որ ԱՄՆ-ն անհանգստացած է ՌԴ-ի հետ համագործակցությունը ընդլայնելու և ամրապնդելու մտադրությամբ։ Դա նաև վերաբերում է ռուսական սպառազինության ձերքբերմամբ», - նշել է Պալմերը։

Ըստ նրա՝ Թուրքիան վերջին հաշվով կհիասթափվի Մոսկվայից՝ մասնավորապես Սիրիայի հարցում։ «Կան ոլորտներ, որոնցով ՌԴ-ն ճնշում է գործադրում Թուրքիայի վրա՝ էներգետիկա, առևտուր, զբոսաշրջություն», - եզրափակեց ամերիկացի պաշտոնյան։