Ստեփանավանում երկու անձի դանակահարելու փաստով քրգործ է հարուցվել

Հոկտեմբերի 5-ին Ստեփանավանում կատարված դանակահարության դեպքի առթիվ ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում հարուցվել է  քրեական գործ  ՀՀ քրեական օրենսգրքի 112-րդ հոդվածի 1-ին մասի հատկանիշներով: Այս մասին հայնում են ՀՀ քննչական կոմիտեից:

Հիշեցնենք, որ այդ օրը «Ստեփանավան ԲԿ» ՓԲ ընկերությունից ոստիկանության Ստեփանավանի բաժին ահազանգ է ստացվել, որ դանակի հարվածից ստացած մարմնական վնասվածքով բուժօգնության են դիմել Ստեփանավանի բնակիչներ 1985 թ. ծնված  Վլադիմիր Կռոյանը եւ 1998 թ. ծնված Ռոբերտ Մանուկյանը:

Վ.Կռոյանի մոտ ախտորոշվել է գոտկային շրջանի կտրած, չթափանցող վերք աջից, իսկ Ռ.Մանուկյանի մոտ` կրծքավանդակի ձախ կեսի ծակած-կտրած թափանցող վերք` արտաքին արյունահոսությամբ:

Ինչպես հայտնում են կոմիտեից`  2014 թվականի հոկտեմբերի 6-ին առերևույթ հանցագործություն կատարած անձը ներկայացել է Ստեփանավանի բաժին և հայտնել, որ վիճաբանության ժամանակ ինքն է դանակով հարվածներ հասցրել Կռոյանին և Մանուկյանին: Նույն օրը նա ձերբակալվել է: