Շանթ Հարությունյանի գործով դատաքննությունն ավարտվեց

Կենտրոն և Նորք-Մարաշ վարչական շրջանների ընդհանուր իրավասության դատարանում այսօր ավարտվեց նախորդ տարվա նոյեմբերի 5-ի Կենտրոնում տեղի ունեցած անկարգությունների գործով դատաքննությանը:

Դատարանն անցավ դատական վիճաբանությունների փուլին: Այսօր դատարանում հայտարարությամբ հանդես եկավ ամբաստանյալ Արմեն Հովհաննիսյանը:

Հիշեցնենք, որ դատարանը երեկ մերժել էր նրա խափանման միջոցի վերաբերյալ` նրա պաշտպան Արա Զաքարյանի միջնորդությունը:

Հովհաննիսյանը նշեց, որ իր համար զարմանալի կլիներ, եթե դատարանը բավարարեր այդ միջնորդությունը: «Դատարանը ևս մեկ անգամ հաստատեց, որ մեզ դատում են մեր հայացքների համար: Պետական էլիտան այսօր Հայաստանը դարձրել է ոստիկանական բռնապետություն: Ես չէի կարող լռել, դրա համար էլ դիմեցի արժեքային հեղափոխության: Իշխանությունը, դատելով մեզ, ինքնակործանման է գնում»,- նշեց նա և հավելեց, որ իրենք պայքարը տանելու են ավարտին: