ԱՄՆ-ի ֆոլկլորային փառատոնի թեմատիկան Հայաստանը կլինի

ՀՀ մշակույթի նախարար Հասմիկ Պողոսյանն ընդունել է ԱՄՆ միջազգային զարգացման գրասենյակի (USAID) տնօրեն Քարեն Հիլիարդին:

Հանդիպման ընթացքում Հիլիարդը ներկայացրել է Հայաստանում իրենց կատարած աշխատանքները, նշել, որ հիմնականում աշխատում են տնտեսական զարգացման ուղղությամբ, որը ներառում է տեղեկատվական տեխնոլոգիաների ոլորտները` հավելելով, որ նախանշել են նաև հեռանկարային զարագացման ներուժ ունեցող ևս երկու ոլորտ՝ գյուղատնտեսություն և զբոսաշրջություն:

Անդրադարձ է կատարվել նաև յուրաքանչյուր տարի ԱՄՆ-ում կազմակերպվող ֆոլկլորային փառատոնին, որը մեծ ազդեցություն է ունենում զբոսաշրջիկների հոսքի մեծացման վրա: Քարեն Հիլիարդ նշել է, որ բավականին մեծ հավանականություն կա, որ առաջիկա տարիներին նշված փառատոնի թեմատիկա ընտրվի Հայաստանը: