Սահակաշվիլիին նոր մեղադրանք է ներկայացվել

Վրաստանի գլխավոր դատախազությունը երկրի նախկին նախագահ Միխեիլ Սահակաշվիլիին նոր մեղադրանք է ներկայացրել. հայտնում է Новости-Грузия-ն:

«Միխեիլ Սահակաշվիլին և Վանո Մերաբիշվիլին պատասխանատվության պետք է ենթարկվեն Վրաստանի ՔՕ 333-րդ հոդվածի 3-րդ կետով (ծառայողական դիրքի չարաշահում)»,-ասված է դատախազության հայտարարության մեջ:

Խոսքը 2005-ին  խորհրդարանի պատգամավոր Վալերի Գելաշվիլիին ծեծելու միջադեպի մասին է: 

Հիշեցնենք, որ դատախազությունն ավելի վաղ մեկ այլ քրեական գործ է հարուցել նախկին նախագահի նկատմամբ: Նրան մեղադրում են 2007-ի խաղաղ ցույցերն ապօրինաբար ցրելու, «Իմեդի» հեռուստաընկերությունը յուրացնելու և գործարար Բադրի Պատարկացիշվիլիի ունեցվածքն ապօրինաբար յուրացնելու մեջ :