Սերգո Կարապետյանն էլ է սովորել` դիմեք լրատվական ծառայությանը

ՀՀ գյուղատնտեսության նախարարի կողմից «բարի» ավանդույթ է դարձել լրագրողների «բարև ձեզ»-ին չպատասխանելը, լրագրողներից փախչելը, նրանց հարցերին չպատասխանելը: Նման գործելաոճը նկատելի է թե' ԱԺ-ում, թե' կառավարությունում, թե' կառավարական շենքերից դուրս: Անհասկանալի է Սերգո Կարապետյանի նման պահվածքը, որովհետև բարձրաստիճան պաշտոնյան կոչված է պատասխանելու լրատվամիջոցների հարցերին:

Այսօր գյուղացիները լաց են լինում, որովհետև կարկուտն ու քամին  սրբեցին-տարան նրանց եկամուտը, որովհետև չեն կարողանալու վճարել վարկերը, որովհետև ջրի խնդիր ունեն, որովհետև ապրելու խնդիր ունեն, իսկ գյուղնախարարը հրաժարվում է լսել լրագրողների հարցերը` արհամարհական տոնով ասելով. «Դիմեք մեր լրատվական ծառայությանը»: