Բողոքող երիտասարդը, պետք լինի, ահաբեկության կդիմի, բայց չի վճարի թանկացած էլեկտրաէներգիայի դիմաց

Այսօր ՀԾԿՀ շենքի մոտ բողոքի ժամանակ ՀՀ քաղաքացիներին արգելվեց մասնակցել հանձնաժողովի նիստին, որտեղ և կայացվեց որոշում` թանկացնել էլեկտրաէներգիան: Ոստիկաններն ու ՀԾԿՀ ներկայացուցիչները ՀՀ քաղաքացիներին ներս չթողնելը  պատճառաբանում էին այն հանգամանքով, թե իբր հանձնաժողովի դահլիճում ազատ տեղ չկա:

Բողոքող քաղաքացիներից միայն Վաղինակ Շուշանյանը կարողացավ մտնել հանձնաժողովի շենք և մասնակցել քննարկմանը: Նա նշեց, որ ցանկության դեպքում կարող էին տեղավորել շատ քաղաքացիների:

«Ես իմ ջեբի մասին եմ մտածում: Էդ 4  դրամը, որ թանկացնում եք, դուք չեք տալու, ես եմ վճարելու, ես, որ ուսանող եմ, հաշմանդամ հայր ու քույր եմ պահում: Դուք չեք մարսելու դա, իսկ ես էլ չեմ վճարելու, պետք լինի` ահաբեկության էլ կդիմեմ»,- հանձնաժողովի նիստի ժամանակ, դիմելով Ռոբերտ Նազարյանին, ասել էր Վաղինակ Շուշանյանը:

Նիստից  հետո լրագրողների հետ զրույցում նա ներկայացրեց այն, ինչ տեսել էր: Շուշանյանի խոսքով` քաոսային քննարկում էր, անարդյունավետ, միմյանց անձնական վիրավորանքներ էին հասցնում: Օսիպյանը նրան ասաց. «Դուք ստում եք»: Վաղինակ Շուշանյանը պատասխանեց. «Էս արդեն սադրում եք, հա՞, էսքան մարդ ինձ ա հավատում, այլ ոչ` ձեզ»:

Մանրամասները` տեսանյութում: