Ոստիկանությունը 30-ամյա երիտասարդին կասկածում է կնոջը, կնոջ քրոջը և վերջինի դստերը դանակահարելու մեջ

Հուլիսի 27-ին ոստիկանության Վաղարշապատի բաժին է ներկայացել 30-ամյա Կարեն Ս.-ն և հայտնել, որ նույն օրը տանը վիճաբանության ժամանակ խոհանոցային դանակով հարվածներ է հասցրել իր կնոջ` 27-ամյա Անժելա Պ.-ի, կնոջ քրոջ` 34-ամյա Քրիստինե Պ.-ի և վերջինիս դստեր` 15-ամյա Սիրուհի Գ.-ի մարմինների տարբեր մասերին` պատճառելով բազմաթիվ վնասվածքներ:

Նույն օրը «Վաղարշապատ» բժշկական կենտրոնից ոստիկանություն հաղորդում է ստացվել, որ վերջիններս տեղափոխվել են բուժօգնության: Ըստ բժշկի տեղեկանքի` Անժելա և Քրիստինե Պ.-երը ի վիճակի չեն եղել հաղորդում տալու:

Հանցագործության գործիք խոհանոցային դանակը Կարեն Ս.-ն ինքնակամ ներկայացրել է բաժին: Կարեն Ս.-ն ձերբակալված է: Կատարվում է նախաքննություն: Այս մասին հայտնում է ոստիկանությունը: