Հրայր Թովմասյանն անգամ բիզնես կառավարելու առաջարկ է ստացել

ՀՀԿ համագումարից հետո արդարադատության արդեն նախկին նախարար Հրայր Թովմասյանը շտապում էր Սլավոնական համալսարան՝ դասի: Լրագրողների հետ զրույցում նա ասաց, որ արդեն եկող շաբաթ հայտնի կլինի, թե որտեղ է անցնելու աշխատանքի:

Աշխատանքի առաջարկները, որ ստացել է Թովմասյանը նախարարի աթոռը թողնելուց հետո, հենց իրեն՝ Թովմասյանին են զարմացրել: «Երբեք բիզնես կառավարման ոլորտում չեմ եղել, բայց անգամ նման առաջարկություններ եմ ստացել»,- անկեղծացավ նախկին նախարարը:

Նա աշխատանքը համեմատեց հագուստի հետ: «Աշխատանքը նման է հագուստի` երբ փորձում ես հագուստ ընտրել, մեկն ավելի մեծ է լինում, մեկը փոքր: Նույնն է նաև աշխատանքը` մեկը գրպանիդ համարժեք չէ, մեկը լավն է, բայց հոգեհարազատ չէ, մի տեղ շատ են վճարում, բայց հոգեհարազատ չէ…»,- ասաց Թովմասյանը: