Դեմ ձայները դիտարկում եմ որպես ձայներ, ովքեր չէին ուզում` ԱԺ-ն լքեմ. Հրայր Թովմասյանն ընտրվեց

Հայտնել ենք, որ խորհրդարանն այսօր քննարկում է Հրայր Թովմասյանին որպես ՍԴ անդամ ընտրելու հարցը: Ընտրությունները տևեցին մեկ ժամ` 13:10-ից մինչև 14:10-ը:

Հաշվիչ հանձնաժողովի նախագահ Գագիկ Մելիքյանը ներկայացրեց ընտրությունների արդյունքները: Նա հայտնեց, որ քվեարկությանը մասնակցել է 93 պատգամավոր, քվեներից 2-ն անվավեր են եղել: Հրայր Թովմասյանն ընտրվել է ձայների` 64 կողմ, 27 դեմ հարաբերակցությամբ:

ՍԴ նորընտիր անդամը ելույթում կատակեց. «Դեմ ձայները դիտարկում եմ որպես ձայներ, ովքեր չէին ուզում, որ ԱԺ-ն լքեմ»:

Հիշեցնենք, որ Հրայր Թովմասյանը հրաժարական էր ներկայացրել ԱԺ պետաիրավական հարցերի մշտական հանձնաժողովի նախագահի պաշտոնից։ Գևորգ Կոստանյանին ԱԺ-ն պետաիրավականի նախագահ էր ընտրել փետրվարի 28-ին: