Տիգրան Սարգսյանը չլսեց անգամ Հովիկ Աբրահամյանին

Քիչ անց Մարզահամերգային համալիրում կմեկնարկի ՀՀԿ 15-րդ համագումարը: Նշենք, որ արդեն ժամանել են ՀՀ նախագահը, ՀՀ վարչապետը, ԱԺ նախագահը և  բազմաթիվ բարձրաստիճան ՀՀԿ-աականներ: Համագումարին այլ կուսակցություններից հյուրեր չկան: Ներկա է նաև ՀՀ նախկին վարչապետ Տիգրան Սարգսյանը:

Yerkir.am-ի այն հարցին, թե արդյո՞ք  սառեցվելու է իր անդամակցությունը Հանրապետական կուսակցությանը, Տիգրան Սարգսյանը պատասխանեց, որ այսօր որոշել է որևէ հարցի չպատասխանել: Չպատասխանեց նաեւ Yerkir.am-ի հաջորդ հարցին, թե ճի՞շտ է, որ պետք է ԱՄՆ դեսպան նշանակվի: Ի վերջո, մի օր խոսելո՞ւ է լրատվամիջոցների հետ: Ի պատասխան այս հարցին, Տիգրան Սարգսյանը խոստացավ, որ նման հանդիպում անպայման կլինի:

Նշենք, որ Տիգրան Սարգսյանը չխոսեց անգամ իրենից քիչ հեռու կանգնած` ներկայիս վարչապետ Հովիկ Աբրահամյանի հորդորից հետո` «դե մի երկու բան խոսա»: