Կադրերին տարանջատելը ճիշտ չեմ համարում. Կարեն Ճշմարիտյանը՝ իր` Քոչարյանի կադր լինելու մասին

Պետք է ստեղծվեն հնարավորություններ, որպեսզի յուրքանչյուր անձ կարողանա իրացնել իր մտավոր, ֆիզիկական կարողությունները և դրա դիմաց ստանա համարժեք նյութական և բարոյական հատուցում. լրագրողների հետ ճեպազրույցում ասաց էկոնոմիկայի նորանշանակ նախարար Կարեն Ճշմարիտյանը` պատասխանել այն հարցին, թե ի՞նչ քայլեր պետք է կատարի տնտեսական անկումը կասեցնելու համար:

Լրագրողների մեկի այն դիտարկմանը, որ ինքը նախկինում էլ եղել է առևտրի և արդյունաբերության նախարար, և այդ ժամանակ էլ տնտեսական անկում կար, Ճշմարիտյանը պատասխանեց. «Ձեր տվյալները ճիշտ չեն»:

Իսկ թե արդյո՞ք նրա վերադարձը կառավարություն չի նշանակում Ռոբերտ Քոչարյանի կադրերի վերադարձ, նորանշանակ նախարարն պատասխանեց. «Միանշանակ այդպես չէի ձևակերպի: Այն ժամանակ էլ էր ՀՀԿ-ն իշխող կուսակցություն և նախագահի քաղաքական հենարանն էր: Այսինքն` տարանջատել կադրերին, ճիշտ չեմ համարում»: