Էթիկայի հանձնաժողովը հույս ունի լսել նաև Առաքել Մովսիսյանին, եթե նա ներկայանա

Այսօր  ԱԺ-ում ավարտվեց ԱԺ էթիկայի հարցերով ժամանակավոր հանձնաժողովի նիստը, որի ժամանակ քննվում էր մի խումբ լրագրողների դիմումն ընդդեմ  ԱԺ պատգամավոր Առաքել Մովսիսյանի (Շմայս):

Էթիկայի  հանձնաժողովի նախագահ Հովհաննես Սահակյանը լրագրողների հետ զրույցում ասաց, որ, քննվող գործի հետ կապված, դեռ ոչ մի որոշում չեն կայացրել, քանի որ իրենք դեռ պետք է լսեն բոլոր կողմերին:  Սակայն ավելի վաղ նշել էինք, որ Առաքել Մովսիսյանը չէր ներկայացել հանձնաժողովի նիստին:  Հովհաննես Սահակյանը հայտնեց, որ Առաքել Մովսիսյանը արտերկրում է, և նրա վերադառնալուց հետո հանձնաժողովը կլսի նաև նրան: Սահակյանը գործի վերաբերյալ  հրաժարվեց կարծիք հայտնել:

Իսկ  ԲՀԿ խմբակցության պատգամավոր Վահան Բաբայանը լրագրողների հետ զրույցում ասաց. «Առաջին անգամ չէ, որ գործող իշխանության ներկայացուցիչների կողմից ԱԺ դահլիճում անհարկի արտահայտություններ են հնչում: Եթե պատգամավորը, նախարարը չի կարողանում իրեն դրսևորել որպես պետական պաշտոնյա, բնականաբար, պետք է դրան գնահատական տրվի, իսկ էթիկայի հանձնաժողովն էլ, բացի գնահատականներ տալուց, ցավոք, այլ լիազորություններով օժտված չէ»: