Նախարարներից ո՞վ չի լինի նոր կառավարությունում. անուններ

Yerkir.am-ի տեղեկություններով` կառավարությունում, իրոք, սպասվում են կադրային լուրջ փոփոխություններ:

Ըստ մեր աղբյուրների` կառավարության աշխատակազմի ղեկավար-նախարար Վաչե Գաբրիելյանը, ով Տիգրան Սարգսյանի մտերիմն է, այլեւս չի լինի նոր կառավարությունում: Մեր տեղեկություններով` նրան կփոխարինի ԱԺ ՀՀԿ խմբակցության պատգամավոր Դավիթ Հարությունյանը: Իրենց պաշտոններին հրաժեշտ կտան նաեւ բնապահպանության, ֆինանսների, էկոնոմիկայի, էներգետիկայի եւ բնական պաշարների նախարարները: Նշենք, որ նրանք կա'մ հենց սկզբից չեն լինի նոր կառավարությունում, կա'մ ընդամենը մի քանի ամիս կմնան:

Մեր տեղեկություններով` աշխատանքի եւ սոցիալական հարցերի նախարար Արտեմ Ասատրյանը այս կառավարությունում կլինի, բայց կենսաթոշակային համակարգի հետ կապված խնդիրների լուծումից հետո կամ գուցե այդ ընթացքում հրաժարական կտա:

Մեր աղբյուրները նաեւ հաղորդում են, որ Հովիկ Աբրահամյանը չի ցանկանում աշխատել ՕԵԿ-ական նախարարների հետ, բացառությամբ Արմեն Երիցյանի, իսկ գյուղատնտեսության եւ քաղաքաշինության նախարարների գլխին սեւ ամպեր են կուտակվել: