Թուրք նախկին նախարարներից ով որքան կաշառք է վերցրել

Թուրքիայի նախկին նախարարների, որոնց անունները ներգրավվել էին «կաշառակերության և կոռուպցիայի» ցուցակում,  «քաջագործությունները» հայտնվել են թուրքական cumhuriyet թերթի ձեռքում: Թերթը հրապարակել է Թուրքիայի արդարադատության նախարարության  հետաքննության արդյունքները:

Ստորև ներկայացնում ենք դրանք:

Էկոնոմիկայի նախկին նախարար Զաֆեր Չաղլայան` 28 անգամ 25 միլիոն դոլար կաշառք է վերցրել: Հանցագործությունների համար կազմակերպություն հիմնել, կեղծ փաստաթղթեր արտահանել, թրաֆիքինգի օրենքին ընդդիմացել: Նույն գործով ձերբակալված ադրբեջանցի գործարար Ռեզա Զարրաբի հետ հեռախոսազանգի ընթացքում ծրագրել է 1,5 տոննա ոսկի ներմուծել, որից 1280 կիլոգրամը ոստիկանությունը կարողացել է բացահայտել, իսկ մնացած 250-ը չի հայտնաբերվել: Թույլատրել է կեղծ փաստաթղթերով 5 հազար տոննա կշռող նավով 150 հազար տոննա ծանրությամբ արտահանում կատարել: Այդ գործընթացի ժամանակ կատարած հեռախոսազանգի ընթացքում նա ասել է. «Նորմալ կատարեք աշխատանքը: 5 հազար տոննա կշռող նավով 150 հազար տոննա ծանրությամբ արտահանում ինչպե՞ս կարելի է անել»:

Ներքին գործերի նախկին նախարար Մուամմեր Գյուլեր` 10 անգամ 10 միլիոն դոլար կաշառք է վերցրել: Հանցագործություն կատարելու նպատակով կազմակերպություն է հիմնել, պաշտոնը չարաշահել, մեղադրյալների հանցանքները կոծկել:

ԵՄ անդամակցության հարցերով նախկին նախարար Էգեմեն Բաղըշ`3 անգամ 1,5 միլիոն դոլար կաշառք է վերցրել:

Նշենք, որ թուրք նախարարները հրաժարականներ ներկայացրին այն բանից հետո, երբ իրենց անունները հայտնվեցին Կ.Պոլսի «կաշառակերության և կոռուպցիայի» ցուցակում: