Հովիկ Աբրահամյանին տրվել է կադրային փոփոխություններ անելու լայն լիազորություն

Սերժ Սարգսյանը Հովիկ Աբրահամյանին տրվել են լայն լիազորություններ, որ նա կարողանա իրականացնել կադրային լայն քաղաքականություն և ընտրել պրոֆեսիոնալ կադրեր, այլ ոչ թե առաջնորդվել խնամի-ծանոթ-բարեկամ կամ քավոր-սանիկ սկզբունքով: Այս մասին այսօր լրագրողների հետ զրույցում ասաց ՀՀ խոսնակ Էդուարդ Շարմազանովը:

Նա նաև նշեց, որ նոր կառավարությունը կարող է և պետք է իրականացնի այն խնդիրների լուծումները, որոնք ծառացած են երկրի առաջ: Շարմազանովի խոսքով` կան  մի քանի առաջնահերթություններ, կառավարությունը պետք է իրականացնի շարունակական քաղաքականություն:

«Մենք չպետք է գնանք նախկին կառավարությանը քննադատելու ճանապարհով, այլ պետք է շարունակենք նախկին կառավարության ձեռքբերումները, պետք է շարունակվեն  կրթական, մաքսային, հարկային բարեփոխումները: Բբնականաբար, կարևոր օրակարգային հարց են ՄՄ անդամակցումը և դրա հետ կապված 60 օրենսդրական  նախաձեռնությունները, որոնք պետք է վավերացնի նոր կառավարությունը»,- ասաց Շարմազանովը` հավելելով, որ կառավարության անդամների հարց չի քննարկվել, քանի որ կառավարության ձևավորման համար 20 օր ժամանակ կա:

Ինչ վերաբերում է այն հարցին, որ Հովիկ Աբրահամյանը, ստանձնելով վարչապետի պաշտոնը, իրականում ստանձնել է ԱԺ նախագահի պաշտոնից ցածր պաշտոն, նա նշեց, որ Հովիկ Աբրահամյանը վարչապետի պաշտոնը ստանձնել է բարձր պատասխանատվությամբ:

Հարցին` հնարավո՞ր է, որ  ԲՀԿ-ի կոալիցիա մտնելը կապ ունի Հովիկ Աբրահամյանի եւ Գագիկ Ծառուկյանի խնամիական կապերի հետ, Էդուարդ Շարմազանովը պատասխանեց «Դուք ընդունո՞ւմ եք, որ ՀՅԴ-ն և ԲՀԿ-ն քաղաքական կուսակցություններ են, դե, Կեսարն էլ Պոմպեոսի խնամին էր, հետո ի՞նչ»: