Արտավազդ Բայաթյանի կարծիքով` վարչապետն իրեն լավ գործ է գտել, դրա համար էլ հրաժարական տվեց

«Ինձ թվում է` վարչապետն իրեն լավ գործ է գտել, դրա համար էլ հրաժարական տվեց»,- Yerkir.am-ի հետ զրույցում նշեց երգիչ-երգահան Արտավազդ Բայաթյանը` անդրադառնալով ՀՀ վարչապետ Տիգրան Սարգսյանի հրաժարականին: Նրա կարծիքով` լավ փոփոխություններից հույսներս պետք է կտրենք:

«Ի՞նչ պետք է հաջորդի` օդի մեջ կանգնած կմնանք, ոնց են ասում` պարապ ընթացք է` холостой ход, դրել ենք դրա վրա ու կանգնել: Ու այդպես կանգնած էլ կմնանք` մինչև մեքենայի բենզինը կվերջանա ու կպարզվի, որ մեքենան չի շարժվում տեղից, կարելի է տանել մամլիչի տակ դնել: Ես լավատես մարդ եմ, բայց, ախր, պետք է գոնե մի միլիմետր լավ բան լինի մեր կյանքում, որ մենք հավատանք ինչ-որ բանի, իսկ հիմա, բացի հետընթացից, ոչինչ չեմ տեսնում»,- ասաց Բայաթյանը` հավելելով, որ գնալով թանկանում է ամեն ինչ. «Կոմունալ վարձավճարներն անմարդկային գների են հասել, դրանք չեն համապատասխանում մեր ունեցածին և աշխատածին: Ասում եմ` այդ թվերը, գները գուցե գողերի համա՞ր են ստեղծվել»: