Սաուդյան Արաբիայի կարծիքով` Լիբանանը պատերազմ է հայտարարել իրեն

Սաուդյան Արաբիայի պարսկա-արաբական ծոցի հարցերով պետական նախարար Սամեր ալ Սաբհանը հայտարարել է, որ պաշտոնական Էր Ռիադը Լիբանանը դիտարկելու է որպես իրեն պատերազմ հայտարարող պետություն. հայտնում է РИА Новости-ն: Պատճառը «Հըզբոլլահ» շարժումն է:

Ալ Սաբհանի խոսքով` գրոհայինները կապ ունեն Սաուդյան Արաբիային սպառնացող բոլոր ահաբեկչությունների հետ: Նա շարժմանը մեղադրել է Սաուդյան Արաբիա թմրանյութեր ներկրելու, ինչպես նաև տեղի երիտասարդությանն ահաբեկչական գործունեության մեջ ներգրավելու փորձերի մեջ:

Ալ Սաբհանը նշել է, որ Էր Ռիադն ակնկալում է, որ  Լիբանանի կառավարությունը կարող է զսպել «Հըզբոլլահ»-ի ագրեսիան: