Մի քանի ամսից պետք է զորացրվեր. նոր մանրամասներ Մարտակերտում մահացած զինվորի մասին

Արդեն հայտնել ենք, որ երեկ` ղարաբաղա-ադրբեջանական հակամարտ զորքերի շփման գծի հյուսիսային ուղղությամբ տեղակայված զորամասերից մեկի պահպանության տեղամասի մարտական հենակետում մարտական խնդիր կատարելու ժամանակ մահացու հրազենային վերք է ստացել զինծառայող` 1994թ. ծնված Արման Արտյուշայի Ղուկասյանը և վիրավորվել 26-ամյա սպա Վարազդատ Զաքարյանը:

Yerkir.am-ի տեղեկություններով` մահացած զինվորը Սյունիքի մարզի Տեղ գյուղից է և աշնանը պետք է զորացրվեր:

Yerkir.am-ի հետ զրույցում Տեղի գյուղապետ Սաղաթել Գալստյանը նշեց, որ Արմանն ընտանիքի միակ արու զավակն էր, ուներ իրենից փոքր երկու քույր: Նրա խոսքով`  Արմենի ընտանիքն  ապրում է սոցիալական ծանր վիճակում,  նրա ծնողները զբաղվում են գյուղատնտեսությամբ: