կարևոր
5818 դիտում, 1 տարի առաջ - 2023-01-19 21:40
Հասարակություն

Հրդեհի հետևանքով զոհված Տարոն Ղարիբյանը 20 տարեկան էր, փետրվարին պետք է զորացրվեր. Sputnik Արմենիա

Հրդեհի հետևանքով զոհված Տարոն Ղարիբյանը 20 տարեկան էր, փետրվարին պետք է զորացրվեր. Sputnik Արմենիա

Տարոնը 20 տարեկան էր։ Փետրվարին պետք է զորացրվեր։ Չափազանց համեստ, լուռ, հարմարվող ու համբերատար։

Sputnik Արմենիայի հետ զրույցում այսպես է նկարագրել այսօր Գեղարքունիքի մարզում զորամասի կացարանում բռնկված հրդեհի հետևանքով զոհված ժամկետային զինծառայող Տարոն Ղարիբյանին նրա դասղեկ, Ուրցաձորի միջնակարգ դպրոցի տնօրեն Դիանա Գրիգորյանը։

«Դեռ փոքր տարիքից մասնակցում էր գյուղատնտեսական աշխատանքներին։ Շատ նվիրված էր ընտանիքին, միշտ օգնում էր ծնողներին, ընտանիքի կողքին էր»,– պատմում է Դիանա Գրիգորյանը։

Տարոն Ղարիբյանը երկու մեծ եղբայր ուներ և մեկ դպրոցական քույր։