Եկեղեցին հաստատում է մարդու` հայ լինելը

Պարզվում է, որ ՀՀ քաղաքացի դառնալու համար պետք է ներկայացնել որոշակի փաստաթղթեր, այդ թվում` նաև հայ լինելը հավաստող փաստաթուղթ` համաձայն ՀՀ կառավարության 1390-Ն որոշման, որն ընդունվել է 2007-ի նոյեմբերի 23-ին:

Առավել հետաքրքիր է այն, որ որոշման 3-րդ հավելվածի 1-ին կետի, 8-րդ ենթակետում նշվում է, որ ազգությամբ հայ  լինելը հաստատող փաստաթուղթ է համարվում եկեղեցական կառույցների կողմից տրված` մկրտության մասին փաստաթուղթը` հաստատված սույն որոշմամբ նախատեսված կարգով, մկրտվածի կամ նրա ծնողի` ազգությամբ հայ լինելու մասին նշումով:

Իսկ որոշման 4-րդ հավելվածում նշված են եկեղեցական այն կառույցները, որոնց կողմից տրված` մկրտության մասին վկայականը փաստում է անձի հայ լինելը:

Որոշման համաձայն` Մայր Աթոռ Սուրբ Էջմիածնի,  Մեծի Տանն Կիլիկիո կաթողիկոսության, Հայ ավետարական եկեղեցու և Հայ կաթողիկե եկեղեցու բոլոր կառույցներում մկրտվածները համարվում են հայ:

Ա.Կ.