«Արցախ» բառը հանել են գործածությունից․ իրենց «լավ հայ» լինելը հանրության աչքերում հաստատում են օրերով կատաղի վիճելով «է» օժանդակ բայը «ա»-ով գրելու անթույլատրելիության մասին. Վրթանեսյան

Ուսյալ խավից և, այսպես ասած, կարծիք ստեղծողներից շատ-շատերն, իբր, չեն նկատում, թե Նիկոլն ուր է տանում Հայաստանը։ Այս մասին ֆեյսբուքյան իր էջում գրել է ռազմական փորձագետ Կարեն Վրթանեսյանը:

««Արցախ» բառը հանել են գործածությունից և ամենայն զգուշությամբ շրջանցում են բոլոր «կոնֆլիկտային թեմաները», փոխարենը կենտրոնացած են կինոյի, գրականության, պատմական թեմաների վրա (բայց ոչ մի դեպքում չանդրադառնալով հայ-թուրքական կամ հայ-ադրբեջանական կռիվներին)։

Իրենց «լավ հայ» լինելը հանրության աչքերում հաստատում են օրերով կատաղի վիճելով, օրինակ՝ «է» օժանդակ բայը «ա»-ով գրելու անթույլատրելիության մասին, ռուսների սրճարանում հայերեն լեզվով մենյուի բացակայության մասին։

Գերակտիվ են, բայց իրենց բարձրացրած թեմաներին (Իլոն Մասկի հերթական բլթից մինչև «քանի հրեշտակ է տեղավորվում ասեղի ծայրին» տիպի վեճեր) եթե նայես, կթվա, թե գրողը Գրինվիչ-Վիլիջի կամ Մոնմարտրի բնակիչ է...

Երբ սրտները շաաաատ է լցվում, քաղաքապատերանին են tag անում, կամ ինչ-որ տուֆտա ՀՈԱԿ-ի՝ «Էս ինչ խայտառակ վիճակ է, պուլպուլակից երրորդ օրն է՝ ջուր չի գալիս» ոճի ինչ-որ գրառումներով։

Բայց նույնիսկ այս դասալիքներն ավելի նախընտրելի են, քան իրենց մտավոր բագաժը և անունն օկուպացիոն վարչակարգին ուղիղ և անթաքույց ձևով ծառայացնողները։

Ֆոռշի արև...»,- գրել է Վրթանեսյանը։