«Դեմ եմ»-ը հակահարված կտա սադրիչներին

«Դեմ եմ» նախաձեռնությունը, որը պայքարում է ընդդեմ կենսաթոշակային նոր համակարգի, օրեր առաջ հայտարարել էր, որ արդեն իսկ սկսվել են իրենց անդամներին սպառնալու, ճնշումներ գործադրելու, ահաբեկելու փորձեր:

Yerkir.am-ի հետ զրույցում «Դեմ եմ» նախաձեռնության անդամ Գևորգ Գորգիսյանն ասաց, որ դեռևս կոնկրետ դեպքեր չեն կարող մատնանշել, քանի որ փաստեր չկան:

«Դա ուղղակի մեսիջ էր նրանց, ովքեր ուզում են այդ ոճով գործել, որ մենք արդեն իսկ պատրաստ ենք, և նմանատիպ քայլի դեպքում լինելու է մեր հակահարվածը:  Մենք հիմա ձայնագրում ենք մեր խոսակցությունները,  ունենք տեսախցիկներ, որպեսզի սադրանքների դեպքում միանգամից արձանագրենք և հանձնենք ոստիկանություն»,- ասաց նա: